«Ալիևը խաղաղության պայմանագիր չստորագրեց, քանի որ դեռ պահանջներ ունի»․ Վարդան Օսկանյան

«Կարևոր հարց կա, որը պետք է անմիջապես բարձրացնել՝ ինչո՞ւ Ադրբեջանը չստորագրեց Խաղաղության պայմանագիրը։ Սրանից հարմար պա՞հ, երբ երկու ղեկավարները գտնվում են Վաշինգթոնում՝ ԱՄՆ նախագահի ներկայությամբ, ամենապատեհ առիթն էր պայմանագրի ստորագրման», - ֆեյսբուքյան տեսանյութում ասում է ՀՀ ԱԳ նախկին նախարար Վարդան Օսկանյանը՝ հավելելով, որ անգամ եթե չստորագրեց, ստացավ ԵԱՀԿ Մինսկի խմբի չեղարկում, անխափան միջանցք և Հայաստանի անվերապահ խոստումը, որ հետ չի կարող կանգնել ձեռք բերված պայմանավորվածություններից։ «Չկա Ղարաբաղ, Լաչինի միջանցք, հայություն՝ Ղարաբաղում, Ադրբեջանը ստանում է անխափան կապ Նախիջևանի հետ․․․Փաստորեն, ՀՀ-ի մի կարևոր հատված 99 տարով ՀՀ կառավարությունը հանձնում է այլ երկրի տնօրինությանը, որտեղ Ադրբեջանն անխափան կարող է այդ միջանցքը օգտագործել։ Սա չլսված բան է, հակասահմանադրական է․․․Ալիևը չստորագերց խաղաղության պայմանագիր, քանի որ դեռ ակնկալիքներ, սպասելիքնե ու պահանջներ ունի»։