«Գոլորշիանում են «մարդու իրավունքներ» և «ազգերի ինքնորոշում» հասկացությունները»․ Հայկ Դեմոյան

ՀՑԹԻ նախկին տնօրեն, պատմաբան Հայկ Դեմոյանի ֆեյսբուքյան գրառումը․ «Ի՞նչ տեղի ունեցավ երեկ Սպիտակ տանը․
Տակավին շարունակվում են քննարկումներն առ այն, թե Արցախը հանձնելուց հետո Նիկոլ Փաշինյանը պատրաստվում է հանձնել նաև Սյունիքը: Սակայն երեկվա անցուդարձի ու տեքստային վերլուծությունների, փառաբանությունների ու անեծքի տարափի տակ չնկատեցինք ամենակարևորը. երեկ վերջնականապես ազդարարվեց «Հայաստանի Հանրապետություն» կոչվող գոյացության օպերացիոն կառավարման հանձնումը տրանսնացիոնալ կորպորացիաներին:
Հենց դրանք 2018 թ. մայիսին իշխանության բերեցին «Քաղաքացիական պայմանագիր» անվան տակ ծպտված գործակալական խմբին, որի հղփացած ու ցինիկ պահվածքը սեփական վարկանիշի կտրուկ անկման պայմաններում լավագույն վկայությունն է այն ինքնավստահության, որն ապահովված է ռուսական ու արևմտյան, ի մասնավորի՝ ամերիկյան խոշորագույն ընկերությունների ու խիստ բարձր կարգի որոշում կայացնողների որոշումների ու գործողությունների սերտաճմամբ՝ հիմնված անասելի մեծ ֆինանսական հոսքերի ու վերաբաշխումների վրա:
Այս հզոր տրանսազգային համակցությունը փորձելու է վերարտադրել հենց նույն գործակալական ցանցն ու վերջիններիս միջոցով իրականացնել ՀՀ վերջնական լուծարման գործընթացը, հանուն շարունակական ու աճող շահերի ու հնարավորությունների: Երեկ տեղի ունեցավ այդ քողարկված նպատակադրումների ազդարարումը: Մի մոռացեք, որ Ի. Ալիևը մեկ օր առաջ բացեիբաց ինչ պայմանագիր ստորագրեց ամերիկյան նավթային ընկերության հետ: Ի դեպ, Ալիևն ու Ադրբեջանը այս հզոր համակցության համար դեռ պետք են՝ նավթամուղի ու գազամուղի փականներ բացելու, փակելու և հաշիվներ ներկայացնելու համար: Իրեն էլ դրա համար են պահում:
Երեկ շատ բարձր մակարդակով մեզ հետ վարվեցին այնպես, ինպես կվարվեին, թույլի, պարտվածի, ստորացված ու պետություն չունեցող ազգի հետ: Ընդամենը:
Երեկ, նախապես ձեռք բերված փոխադարձ համաձայնության արդյունքում, Կրեմլը 2020 թ. նոյեմբերի 9-ի հայտարարությամբ ստանձնած պարտավորությունները, խաղաղապահների, Լաչինի միջանցքի ու Արցախի հայ բնակչության էթնիկ զտման դրվագներով արտապատվիրակեց Սպիտակ տանը: Փոխանցումն ընդունվեց շատ բարձր մակարդակով: Այլ կերպ ասած՝ 2025 թ. նոյեմբերի 9-ին որևէ նոր փաստաթուղթ ստորագրելու պարտավորություն այլևս չկա, այնպես ինչպես ի սկզբանե Մոսկվայի համար չկար որևէ պարտավորություն՝ Ադրբեջանի շահերը սպասարկելուց բացի:
Հայաստանյան հասարակության և սփյուռքյան որոշ անիրազեկ շրջանակներ տակավին շարունակում են ուտել գեղեցիկ փաթեթավորմամբ մատուցվող փաշինյանական խաղաղության տեսլականները և մյուս հարակից կեղծ գաղափարախոսական գարշահոտ արտանետումները, չհասկանալով սակայն, որ համաշխարհային ներկա զարգացումներում «խաղաղություն» կոչվածը ամենաշուտ փչացող ու ոչ հարգի ապրանքն է:
Երեկվա ստորագրված փաստաթուղթը ոչ միայն ազդարարեց ամերիկյան ժողովրդավարության հերթական նախապատվությունը միջազգային ավտորատիզմին ու ցեղասպանություն իրականացնելու հակվածություն ունեցող ռեժիմին, այլև ԱՄՆ անկախության 250-րդ տարեդարձի նախաշեմին ամոթալի մի էջ արձանագրեց ամերիկյան ու համաշխարհային պատմության մեջ:
Այսպիսի «անհամաչափ» փաստաթղթի ստորագրումը ազդարարում է նոր անցում համաշխարհային քաղաքականության մեջ, որտեղ գոլորշիանում են «մարդու իրավունքներ» և «ազգերի ինքնորոշում» հասկացությունները: Ամբողջ թափող գործողության մեջ է դրվում «մարդը մարդուն գայլ» հայտնի թեզը, որտեղ փոքրներն ու փոքրաթիվները, սեփական շահերն ու իրավունքները չգիտակցողները, դատապարտված են ոչնչացման, իսկ լավագույն դեպքում նրանց կվերապահվի այլոց շահերը սպասարկողների կարգավիճակ:
Հետահայաց վերլուծելով վերջին մի քանի ամիսների ներհայաստանյան իրադարձությունները, հասկանալի է դառնում, որ վարչապետական «հեծանիվ շոուն», Մայր Աթոռի դեմ շինծու արշավը և մյուս սպասարկվող սրացումներն ընդամենը ժամանակ շահելու և փաշինյանական խաղաղության դիետայի վրա նստած բիոզանգվածին կերակրելու համար էր: Ու նրանք դա շարունակաբար ուտում են:
Քաղաքական ընդդիմության պահով էլ իմ բոլոր կանխատեսումները ներկա դրածոների հետ համագործակցաբար ու փոխադարձ համաձայնությամբ գործելու առումով, լիովին արդարացան՝ վերոնշյալ դիտարկումները հաշվի առնելով: Ընդդիմությունը ներկա պահին փաշինյանա-քպական խունտայի գլխավոր հենարանն ու պատվարն է: Քարոզիչ, վերլուծաբան, քաղտեխնոլոգ կոչված սպասարկուների թափորին դեռ առիթ կունենանք հիշատակելու անուն առ անուն:
Ինձ շատ են հարցնում են՝ հույս կա՞ արդյոք այսքանից հետո: Պատասխանում եմ՝ այո´ կա, այն տակավին մեր ձեռքերում է: Այդ հույսը չի մեռնի ու կդառնա մի նոր հնարավորություն միայն մի դեպքում. համաժողովրդական խստագույն պատժի կիրառում Հայաստանի Հանրապետությունում խարդախ ու հակապետական ճանապարհով իշխանությունը զավթած ու 2018-2025 թթ. հայկական պետական ու ազգային շահերի դեմ իրականացված ծանրագույն հանցագործությունները իրականացրած անձանց ու նրանց սպասարկած ԲՈԼՈՐ անձանց դեմ: Համազգային ատյան պետք է գումարվի և ոչ ոք չպետք է խուսափի արդարադատութոյւնից: Դա է լինելու մեր հիմնական ու ազդու ուղերձը մեր շահերը ոտնակող անողներին: Ու նրանք կհասկանան թմբիրից արթնանալու ու գործելու մեր նպատակները: Կհասկանան ու հաշվի կնստեն:
Անկախության հռչակագրի 35-րդ տարեդարձի նախաշեմին առաջարկում եմ միակ հնարավոր գործողության սցենարը՝ պետականության վերջնական կորուստը բացառելու համար:
ՀՀ ազգային անվտանգության, զինված ուժերի ու ոստիկանության ավագ ու կրտսեր սպայակազմին եմ ցանկանում դիմել հետևյալ ուղերձով.
Պարոնա՛յք սպաներ,
Այն երկիրը, որին երդմնակալության արարողությամբ խոստացել եք ծառայել, այլևս գոյություն չունի: Այն ուղղակի դադարել է գոյություն ունենալ: Հենց Դուք կարող եք գրագետ իրականացված օրինական քայլերի ու գործողությունների արդյունքնում տալ աշխարհին այն ուղերձը, որ մենք կքված ու նվաստացած ապրելու երկիր չենք դառնալու:
Մենք դեռ ունենք այդ ներուժն ու հնարավորությունը խստագույն պատժի ենթարկելով օտար ուժերի կողմից ներդրված և այդ ուժերի շահերը սպասարկող գործակալ-դրածոներին՝ ի ցույց դնել հայկական պատժող բազկի հնարավորությունները:
Ժամանակն է հրապարակել այս օրգանիզմների հավաքագրման հետ առնչվող բոլոր գաղտնի տեսագրություններն ու փաստաթղթերը:
Մի՛ հապաղեք ու մի՛ երկմտեք, քանզի արդյունքում ՊԱՏՄՈՒԹՅՈՒՆ կկերտեք»։