«Վաշինգթոնյան շոուի վերջնահաշիվը փակվելու է հայ ժողովրդի հաշվին». Արա Պողոսյան

Քաղաքագետ Արա Պողոսյանի ֆեյսբուքյան գրառումը. «Ինչպես միշտ, հայերս «գետը չտեսած, միանգամից բոբիկանում» են, իսկ թե վաշինգտոնյան շոուի վերջնահաշիվն ով է փակելու, դեռ պարզ չէ, բայց միանշանակ է, որ Հայաստանի և հայ ժողովրդի հաշվին է լինելու։
Սա կործանման մասին բոթ չէ, որովհետև ինչպես միշտ ասել եմ՝ «քաղաքականությունը անհնարինը հնարավոր դարձնելու արվեստն է», և անգամ մեծ ռիսկերն ու մարտահրավերները կարելի է վերածել հնարավորությունների, եթե գոնե ճանապարհի կեսից կարողացել ես սահմանել քո ազգային և պետական նպատակները, լծվել ես անդադար և անդադրում աշխատանքի։
Իհարկե, սա չի վերաբերվում մի իշխանության, որը «ինչ պետք է, այն էլ բանակցում է», որը չունի սկզբունքներ, ազգային նպատակներ, հավակնոտ ծրագրեր, փոխարենը ունի անհաջողությունների, տապալումների անվերջանալի պատմություն»: