«Ես սովոր եմ կառավարությունների ճնշումներին». Ռոբերտ Ամստերդամ

«Ես սովոր եմ կառավարությունների կողմից գործադրվող ճնշումներին. ՌԴ-ում ինձ ձերբակալել են, 7 երկրներում արգելել են իմ մուտքը: Կարող են լինել ճնշումներ, բայց որպեսզի դա նպատակին հասնի, պետք է լինի մեկը, ով կճկվի, իսկ մենք ճնշման ներքո չենք ճկվում»,- ասել է Ռոբերտ Ամստերդամը՝ պատասխանելով լրագրողի հարցին՝ մտավախությո՞ւն չունեք, որ ՀՀ իշխանությունները ձեր դեմ ճնշումներ կգործադրեն:

Ավելի վաղ հայտնել էինք, որ Հայաստան է ժամանել հայտնի իրավաբան և մարդու իրավունքների միջազգային պաշտպան Ռոբերտ Ամստերդամը: «ՀՀ-ում իմ հիմնական առաքելությունն է՝ պաշտպանել եկեղեցին, Քրիստոսի զավակներին, ովքեր ապօրինաբար զրկվել են ազատությունից: Երբ մարդիկ հավատացյալ են, սիրում են իրենց երկիրն ու եկեղեցին, ինչպիսի պարոն Կարապետյանն է, սակայն նրանց բիզնեսներն ապօրինաբար ենթարկվել են ռեյդի, ուրեմն ինչ-որ բան այնպես չէ ու անհրաժեշտություն կա Կառավարության ու եկեղեցու միջև երկխոսության»,- նշել էր իրավաբանը: