«Չեմ տեսնում որևիցե բան, որը կարելի է այս պահին ներկայացնել որպես հաջողություն»․ Դավիթ Տոնոյան

«Ես չեմ տեսնում որևիցե մի բան, որը կարելի է այս պահին ներկայացնել հաջողություն»,- «Նյուզ»-ի եթերում ասել է ՀՀ պաշտպանության նախկին նախարար Դավիթ Տոնոյանը՝ անդրադառնալով վաշինգթոնյան հռչակագրին։

«Բոլոր դեկլարատիվ հայտարարություններին, որոնք եղել են Վաշինգթոնից հետո, այս պահին չեմ կարող գնահատական տալ։ Ամեն ինչ կերևա, երբ արդեն գործնական քայլեր կիրականացվեն։ Այսինքն՝ տեսնենք, որ անվտանգության ապահովման տեսանկյունից այն, ինչ հռչակագրում նշված է, կիրականացվի տեղում»,- նշել է Տոնոյանը։

Հարցին՝ հավատո՞ւմ եք Նիկոլ Փաշինյանի խոստացած խաղաղությանը, պատասխանել է․ «Այն, ինչ ինձ հետ կատարվել է, ես որևիցե մեկին այդ իշխանությունում հավատալու չունեմ»։