«Վաղը դատարանում կլինեմ վստահորդիս կողքին»․ Ռոբերտ Ամստերդամ

«Մեր ընկերությունն անմիջականորեն մասնակցելու է Սամվել Կարապետյանի գործին»,- մամուլի ասուլիսի ժամանակ հայտնեց իրավաբան և մարդու իրավունքների միջազգային պաշտպան Ռոբերտ Ամստերդամը՝ նշելով, որ Փաստաբանների պալատից սպասում է հաստատման։ Նրա խոսքով վաղը չի կարողանա որպես փասատաբան մասնակցել Սամվել Կարապետյանի կալանքի երկարաձգման միջնորդության վերաբերյալ դատական նիստին, քանի որ Փաստաբանների պալատը նրա գործունեության վերաբերյալ փաստաթղթերի բնօրինակներ է պահանջել, որոնց ներկայացումը ժամանակ է պահանջում․ «Բայց ես մտադիր եմ գնալ դատարան և ի նշան համերաշխության լինել վստահորդիս կողքին»,- ասաց Ամստերդամը՝ հավելելով, որ Կարապետյանի գործն ակնհայտ քաղաքական է և որ Գլխավոր դատախազը մեղադրանք է հարուցել՝ հիմնվելով բառերի սխալ մեկնաբանության վրա։