«Համաձայնագիրն ու հռչակագիրը շոշափելի օգուտներ են պարունակում Իրանի և ՌԴ-ի համար»․ Նիկոլ Փաշինյան

ՀՀ վարչապետՆիկոլ Փաշինյանը հարցազրույց է տվել ամերիկյան Fox News-ին։ Նա կարծիք է հայտնել, որ համաձայնագիրն ու հռչակագիրը միանգամայն շոշափելի օգուտներ են պարունակում Իրանի և Ռուսաստանի համար․ «Երբ այդ համաձայնագիրը կյանքի կոչվի, Իրանը երկաթուղով հասանելիություն կստանա Պարսից ծոցից մինչև Սև ծով: Ռուսաստանն ու Իրանը կկարողանան երկաթուղային կապ ունենալ երկու երկրների միջև։

Ես նկատի ունեմ, որ եթե կենտրոնանանք այս համաձայնագրի տնտեսական կողմի վրա, ապա ոչ միայն Հայաստանը, Ադրբեջանը, ԱՄՆ-ն ու Թուրքիան, այլև Ռուսաստանն ու Իրանը կստանան շատ կարևոր և իսկապես շոշափելի, փաստացի աննախադեպ օգուտներ․ հիմա Հարավային Կովկասից Իրանը Ռուսաստանին կապող երկաթուղի չկա»,- ասել է Փաշինյանը՝ շեշտելով, որ համաձայնագիրը կարող է դառնալ համագործակցության խաչմերուկ․ «Հենց դա է մեր նպատակը, մենք չենք ուզում վեճեր հրահրել, չենք ուզում լարվածություն առաջացնել։ Մեր նպատակը կայունությունն է, խաղաղությունը, կայուն զարգացումը, տնտեսական և քաղաքական համագործակցությունը: Եվ ես կարծում եմ, որ հռչակագիրը շատ կարևոր և հարմար հարթակ է դրա համար»,- ասոել է Փաշինյանը։