«Մեղադրանքն իրականության հետ աղերս չունի»․ Հովիկ Աբրահամյան

«Մեղադրանքի հետ համաձայն չեմ, իրականության հետ աղերս չունի»,- դատական նիստից առաջ լրագրողների հետ կարճ զրույցում ասաց ՀՀ նախկին վարչապետ Հովիկ Աբրահամյանը։
Հիշեցնենք՝ այսօր Աբրահամյանի քրեական գործով առաջին դատական նիստն է։ Գործը քննելու է դատավորը՝ Վահե Դոլմազյանը:
Հովիկ Աբրահամյանի նկատմամբ հանրային քրեական հետապնդում է հարուցվել պաշտոնեական դիրքի չարաշահման և ենթադրյալ հանցավոր ծագում ունեցող գույքի՝ հողամասերի օրինականացման մեղադրանքներով։
«Մեղադրանքի առաջադրումը սկսվել է 7 տարի առաջ և չգիտեմ՝ ինչո՞ւ են հիմա նորից ակտիվացրել»,- նիստից առաջ ասաց Աբրահամյանը։