«Դեսպանատներ ունենալու համար երկար ճանապարհ պետք է անցնենք»․ Սարգիս Խանդանյան

«Տրամաբանական է, որ դիվանագիտական ներկայացուցչություններ բացվեն խաղաղության պայմանագրի ուժի մեջ մտնելուց հետո, բայց եթե մինչ այդ հնարավոր լինի որևէ դիվանագիտական ներկայացուցչություն ունենալ, Հայաստանը դեմ չի լինի»,- «Ֆակտոր»-ի հետ զրույցում ասաց ՔՊ-ական պատգամավոր Սարգիս Խանդանյանը։ Նրա կարծիքով կգա մի օր, որ երկու երկրների ժողովուրդներն իրար հետ առևտուր կանեն, քաղաքական գործիչներն ու լրագրողները կկարողանան «գործերով» մեկնել Բաքու։ Խանդանյանը նաև հայտնեց, որ այս պահին դեսպանատներ ունենալու խոսակցություն դեռ չկա․ «Երկար ճանապարհ պետք է անցնենք նման հանգրվանի հասնելու համար, սակայն դա հնարավոր զարգացում է։ Չեմ կարծում, որ դա այս կամ մյուս տարվա խոսակցություն է»,- ասաց Խանդանյանը։