«Չկա նախկին-ներկա, կա ազգային-ապազգային»․ Էդուարդ Շարմազանով

«Փաշինյանը Հայաստանը տանում է դեպի կործանում, փաստացի երրորդ հանրապետութուն այլևս գոյություն չունի, որովհետև րրորդ հանրապետությունը ծնունդ է ղարաբաղյան շարժման: Առանց արցախյան շարժման, արցախցիների ինքնորոշման իրավունքի, անկախության հռչակագրի, առանց եկեղեցու բացառիկության երրորդ հանրապետություն չկա: Այս փոքրիկ խմբակը, ինչպես ասում են՝ կապիտուլյանտների ու կոլաբորանտների ռեժիմը Անկախության հռչակագրի բոլոր դրույթները մերժել է»,- այս մասին Հակակոռուպցիոն դատարանի բակում ասել է ՀՀԿ ԳՄ անդամ Էդուարդ Շարմազանովը:

«Ինձ որ մնար՝ Նիկոլ Փաշինյանը ո՛չ պետք է իշխանության գար, ո՛չ էլ 2020 թվականից հետո վերընտրվեր: Այն ժամանակ, որ կանգնում ասում էինք՝ բոլորդ եկեք, միավորվեք, այս մարդուն թույլ մի՛ տվեք, որ վերընտրվի, ասում էին՝ կուսակցական են, նախկիններն են․․․ Չկա նախկին-ներկա, կա ազգային-ապազգային։ Կա Հայաստանի և Արցախի ջատագով և կա Ադրբեջանի և Թուրքիայի ջատագով։ Եթե նախկինն Արցախն է, ուրեմն ես նախկին եմ․․․ Իսկ ներկան ինչ է, թուրքերի տակ կզած ապրե՞լն է նորմալ»,-ընդգծել է Շարմազանովը: