«Վաշինգթոնյան փաստաթղթերն իրական խաղաղություն չեն բերում․ տարածաշրջանը մնում է փորձադաշտ»․ Սեյրան Օհանյան

«Փաշինյանական վարչախումը չափից ավելի կարևորություն է տալիս վաշինգթոնյան արձանագրություններին և նախաստորագրված փաստաթղթերին, որոնք իրական խաղաղություն չեն բերում»,- այս մասին «24Նյուզ»-ի հետ զրույցում նշեց «Հայաստան» խմբակցության ղեկավար, ՀՀ պաշտպանության նախկին նախարար Սեյրան Օհանյանը՝ հավելելով, որ տարածաշրջանը մնում է փորձադաշտ՝ այստեղ շահեր ունեցող ուժային կենտրոնների բախման առումով։

«Նախաստորագրված փաստաթղթերը պարտադրվել են Հայաստանին և դրանից օգտվել է Ադրբեջանը։ Հիմնական ռազմավարական նպատակը ՌԴ-ին այս տարածաշրջանից դուրս բերելն է և Իրանի նկատմամբ համապատասխան պլացդարմ ստեղծելը, մյուս կողմից՝ «թուրանանական ճանապարհի» բացումը։ Իրական խաղաղությունը ուժերի հավասարակշռությամբ ու փոխադարձ զիջումներով է լինում․․․ Կարծում եմ այս համաձայնագրերը չեն իրականացվի, որովհետև խաղաղության օրակարգը, թուրքադրբեջանական տանդեմի կողմից, խաբկանք է»,- նշեց Օհանյանը։