«Եթե այդ ճանապարհով անցնող ադրբեջանցիները կրակեն մեր գյուղի վրա, ո՞վ է վերահսկելու»․ Արման Աբովյան

«Վաշինգթոնյան փաստաթղթում գրված է, որ ԱՄՆ-ն ստանում է իրավունք՝ ՀՀ հարավում իրականացնել լուրջ, համակարգային ներդրումային ծրագրեր և դրա շրջանակներում ենթակառուցվածքներ պետք է կառուցի․․․ Իսկ ո՞վ է ֆիզիկապես վերահսկելու Ադրբեջանի քաղաքացիներին կամ այլ քաղաքացիների, որոնք մտնելու են Հայաստանի տարածք և դուրս են գալու»,- «24Նյուզ»-ի հետ զրույցում այս մասին նշեց ԱԺ նախկին պատգամավոր Արման Աբովյանը։

«Հեքիաթներ են պատմում, թե իբր այդ ամենը ՀՀ սուվերենության շրջանակներում է իրականացվելու։ Ստում են․․․ Սյունիքի թեման նոր է բացվել, եթե դու արտապատվիրակում ես քո տարածք մուտք գործող մարդկանց և բեռների վերահսկումը, ապա հայ սահմանապահը և մաքսավորը վերահսկելո՞ւ են, ստուգելո՞ւ են այդ ճանապարհով անցնող բեռները․․․ Օրինակ՝ ադրբեջանցիներն ավտոբուսով անցնելիս լինեն, 3 հոգի ավտոմատով կրակեն գյուղի վրա․․․ Ո՞վ է վերահսկելու։ Կամ հայ պարեկը իրավունք կունենա՞ ադրբեջանցի վարորդին ասելու՝ բացի՝ տեսնեմ՝ ի՞նչ ես տեղափոխում»,- նշեց Աբովյանը։

«Ձեր տան բանալին արտապատվիրակում եք ուժեղ հարևանին, որ նա դուռը բացի, որ ձեր մյուս հարևանը, որ ձեր բարեկամներին սպանել է, ձեր տունը գրավելու դոկտրին ունի, հանգիստ գնա ու գա»,- պարզաբանեց նա։