«Զոհի ու դահիճի միջև ի՞նչ հարաբերություն», «պետք է դուրս գալ զոհի կարգավիճակից». Արծվիկ Մինասյանի ու Արսեն Թորոսյանի բանավեճը

Վաշինգթոնյան համաձայնագրի թեմայով են «Շանթ»-ի եթերում բանավիճել ԱԺ ընդդիմադիր և իշխանական պատգամավորներ Արծվիկ Մինասյանն ու Արսեն Թորոսյանը: «Ասում եք՝ ի՞նչ կլինի, երբ չլինի Դոնալդ Թրամփը, լինի ԱՄՆ այլ նախագահ: Մեզ պետք է երկխոսություն՝ մեր հարևանի հետ: Մեզ պետք է հետաքրքրի, թե ինչ հարաբերություններ ենք հաստատում Արդբեջանի հետ, ոչ թե միջնորդավորված՝ ԱՄՆ-ի միջոցով, Մոսկվայի միջոցով, Բրյուսելի միջոցով և այլն»,- ասել է Թորոսյանը: «Իսկ ի՞նչ հարաբերություն ենք հաստատում. զոհի ու դահիճի միջև ի՞նչ հարաբերություն է հաստատվում»,- արձագանքել է Մինասյանը: Թորոսյանը նշել է, որ պետք է դուրս գալ զոհի կարգավիճակից. «Դուք, ձեր կուսակցությունը, շատ այլ կուսակցություններ 150 տարի է՝ մեզ թույլ չեն տալիս դուրս գալ զոհի կարգավիճակից»: Ընդդիմադիր պատգամավորն արձագանքել է. «Ո՛չ, մեր կուսակցությունն ու ազգային ուժերն արժանապատվություն են բերել մեր ժողովրդին ու պետությանը»: «Արժանապատիվ զոհի»,- ասել է իշխանական պատգամավորը: