«Օրվա վերջում ստույգ կասեմ` հնարավո՞ր է արդյոք Ուկրաինայում ամերիկյան զորքերի տեղակայումը». Դոնալդ Թրամփ

ԱՄՆ-ի նախագահ Դոնալդ Թրամփը հայտարարեց, որ Ալյասկայի Անքորիջ քաղաքում Ռուսաստանի նախագահ Վլադիմիր Պուտինի հետ իր հանդիպումը լավ է անցել և կա արդյունքի հասնելու հնարավորություն։

«Ինչպես գիտեք, մենք վերջերս լավ հանդիպում ունեցանք Ռուսաստանի նախագահի հետ։ Եվ կարծում եմ, կա հնարավորություն, որ դրանից ինչ-որ բան կստացվի»,- ասել է նա՝ Սպիտակ տանը պատասխանելով լրագրողների հարցերին Վլադիմիր Զելենսկու հետ հանդիպումից առաջ։ Թրամփը նաև նշել է, որ օրվա վերջում ստույգ կասի՝ հնարավո՞ր է Ուկրաինայում ամերիկյան զորքերի տեղակայումը։
Թրամփը ևս մեկ անգամ նշել է, որ վստահ է Ռուսաստանի՝ Ուկրաինայում հակամարտությունը լուծելու ցանկության մեջ։