Երեքշաբթի, 11 նոյեմբերի, 2025 թ.
|
Ստեփանակերտում`   +13 °C

Ամիսներ շարունակ չեն կարողացել «մարզպետ գտնել». «Ժողովուրդ»

Ամիսներ շարունակ չեն կարողացել «մարզպետ գտնել». «Ժողովուրդ»
89
Ուրբաթ, 22 օգոստոսի, 2025 թ., 09:06

«Ժողովուրդ» օրաթերթը գրում է. «Երեկ ՀՀ վարչապետ Նիկոլ Փաշինյանը երկրորդ շոկային նշանակման մասին հայտարարեց. Լոռու մարզպետի պաշտոնում կնշանակվի ԱԺ ՔՊ խմբակցության պատգամավոր Արեն Մկրտչյանը:
«Ժողովուրդ» օրաթերթի իշխանական աղբյուրները փոխանցում են, որ Փաշինյանը ստիպված է գնացել այս քայլին, քանի որ ամիսներ շարունակ չեն կարողացել «մարզպետ գտնել»:

10-ից ավելի մարդկանց են դիտարկել ու առաջարկել մարզպետի պաշտոնում, սակայն նշանակում չի արվել:

Դեռևս հուլիսին Արեն Մկրտչյանին հրավիրել են ՔՊ վարչություն, հարցեր ուղղել՝ որպես Լոռու մարզպետի թեկնածուի, և թիմակիցները հասկացել են, որ նա «չի ձգի» այդ պաշտոնին:

Բայց քանի որ ամիսներ շարունակ չեն կարողացել այդ պաշտոնում որևէ մեկին գտնել, Փաշինյանը միայնակ որոշում է կայացրել Արեն Մկրտչյանին մարզպետ նշանակել:

Մկրտչյանն էլ, որ հարազատ Ալավերդիում խայտառակ պարտություն կրեց՝ չընտրվելով քաղաքապետ, վերջին ժամանակներս ամեն բան անում էր Փաշինյանին ապացուցելու իր հավատարմությունը՝ անդադար քննադատելով ընդդիմադիրներին:

Հիշեցնենք, որ Լոռու մարզպետ Արամ Ղազարյանը ՀՀ ՆԳՆ փոխնախարար, ոստիկանապետ նշանակվեց ինչից հետո ՔՊ-ում կադր չէին գտնում»։

Մանրամասները՝ թերթի համարում:

Կարդացե՛ք նաև