Երկուշաբթի, 20 հոկտեմբերի, 2025 թ.
|
Ստեփանակերտում`   +12 °C

«Պուտինը չպետք է ժամանակ ձգի». Գերմանիայի արտաքին գործերի նախարար

«Պուտինը չպետք է ժամանակ ձգի». Գերմանիայի արտաքին գործերի նախարար
219
Երկուշաբթի, 25 օգոստոսի, 2025 թ., 22:30

Գերմանիայի արտաքին գործերի նախարար Յոհան Վադեֆուլը կոչ է արել Ռուսաստանի նախագահ Վլադիմիր Պուտինին հնարավորինս շուտ երկկողմ բանակցություններ վարել Ուկրաինայի ղեկավար Վլադիմիր Զելենսկիի հետ և զգուշացրել Մոսկվայի դեմ նոր պատժամիջոցներ սահմանելու հնարավորության մասին: Նա այս մասին ասել է երկուշաբթի՝ օգոստոսի 25-ին, Զագրեբում իր խորվաթ գործընկեր Գորդան Գրլիչ-Ռադմանի հետ հանդիպման ժամանակ։

«Եթե նախագահ Պուտինը կարծում է, որ կարող է ժամանակ ձգձգել, ապա սխալվում է», - ասել է Վադեֆուլը։
Գերմանիայի արտաքին գործերի նախարարության ղեկավարի խոսքով՝ Ռուսաստանի վրա ճնշումը պետք է շարունակվի, և այդ պատճառով Եվրոմիությունը պատրաստում է Ռուսաստանի Դաշնության դեմ պատժամիջոցների 19-րդ փաթեթը: Վադեֆուլը շեշտել է, որ այժմ ամեն ինչ կախված է Պուտինից. նա պետք է ապացուցի իր պատրաստակամությունը՝ աշխատել Ուկրաինայում պատերազմում արդար խաղաղության հասնելու համար: «Ինչպես երևում է, դրա վերաբերյալ լուրջ կասկածներ կան», - հավելել է նախարարը՝ նշելով, որ Կիևն արդեն մեկ քայլ առաջ է գնացել՝ համաձայնվելով խաղաղ բանակցությունների առանց լրացուցիչ նախապայմանների։

Նախարարը նաև ընդգծել է. «Մեկ բան պարզ է՝ ուկրաինացիների մեջքի ետևում բանակցություններ չեն ընթանա: Սա մեր ընդհանուր եվրոպական խոստումն է»։ Ուկրաինան կարող է վստահ լինել, որ «մենք կշարունակենք նրան տրամադրել քաղաքական, տնտեսական և ռազմական աջակցություն»։ Իր հերթին Գրլիչ-Ռադմանը վստահեցրել է Կիևին Եվրոպայի կողմից շարունակական աջակցության մասին: