«2026-ի ընտրություններին կմասնակցենք նորաստեղծ կուսակցությունով»․ Նարեկ Կարապետյան

Ընթանում է գործարար Սամվել Կարապետյանի նախաձեռնությամբ հիմնադրված «Մեր ձևով» ժողովրդական շարժման շնորհանդեսը։
«Տաշիր գրուպ» հոլդինգի ղեկավարի տեղակալ Նարեկ Կարապետյանն իր ելույթում մանրամասնեց, թե ինչու չի հայտարարվում կուսակցության, այլ կամավորական շարժման մեկնարկի մասին․ «Կամավորական շարժումն այն հարմար ձևաչափն է, որը թույլ կտա առանց հասարակությանը բաժանելու համախմբել մարդկանց՝ մեծ ու բարի գործեր անելու։ Շարժումը ապաքաղաքական, կամավոր միավորում է մարդկանց, ովքեր պատրաստ են անձնուրաց ծառայել հանրօգուտ նպատակի։ Շարժման մասնակիցները կարող են լինել տարբեր հայացքների ու մասնագիտության տեր մարդիկ։ Նշանակո՞ւմ է սա, որ սկզբունքորեն նոր քաղաքական ուժ, կուսակցություն չենք ստեղծելու, ո՛չ, չի նշանակում։ Սա մեր աշխատանքի առաջին փուլն է։ Առաջիկայում ընտրական գործընթացներ են սպասվում և դրանց մասնակցելու ամենահարմար ձևը կուսակացական մասնակցությունն է։ Մենք պատրաստվում ենք մեր մշակած ծրագրերն ու նախագծերը շարժման հիման վրա ստեղծվելիք կուսակցության միջոցով վերածել պետական ծրագրերի»,- ասաց Նարեկ Կարապետյանը։