«ՀՀ տարածքը 99 տարով վարձակալությամբ հանձնելու հարցը կրկին օրակարգային է դառնալու»․ Արթուր Խաչատրյան

«Թուրքիայում ԱՄՆ դեսպանն ու Դոնալդ Թրամփը 99 տարով ճանապարհի, տարածքի (հայտնի չէ) վարձակալության վերաբերյալ հայտարարություններ արեցին»,- լրագրողների հետ զրույցում ասաց ԱԺ «Հայաստան» խմբակցության պատգամավոր Արթուր Խաչատրյանը՝ հավելելով, որ այդ հարցը բաց է թողնված ՀՀ-ի և ԱՄՆ-ի միջև ստորագրված փոխըմբռնման հուշագրերում․ «Կարելի է ենթադրել, որ կա մեկ այլ պայմանավորվածություն։ Մտահոգություն ունեմ, որ, երբ ենթակառուցվածքները պատրաստ լինեն, 99 տարով ՀՀ ինքնիշխան տարածքը 3-րդ կողմին վարձակալությամբ հանձնելու հարցը կրկին օրակարգային է դառնալու։ Հատկապես, որ Արարատ Միրզոյանն ասաց, թե 3-րդ կողմին վարձակալությամբ տալու հարց առայժմ չկա։ Տարածաշրջանային ապակայունացման ռիսկեր եմ տեսնում»,- նշեց Խաչատրյանը: