«Սահմանադրության մեջ իրոք ունենք տարածքային պահանջներ»․ Գագիկ Մելքոնյան

126

Երկուշաբթի, 01 սեպտեմբերի, 2025 թ., 15:54

Սահմանադրության փոփոխությունն Ալիևի պահանջը չէ, 2018 թվականից ենք նման որոշում ունեցել։ 24TV-ի եթերում նման տեսակետ հայտնեց ՔՊ-ական պատգամավոր Գագիկ Մելքոնյանը՝ խաղաղության համատեքստում արդարացնելով Սահմանադրության սպասվող փոփոխությունը․ «Եթե պետության հետ պայմանավորվում ենք, որ մենք ձեր հետ տարածքային պահանջ չունենք, ու մեր Սահմանադրությամբ ունենք տարածքային պահանջներ, եթե ասում ենք չկան էդ պահանջները, բայց Սահմանադրության մեջ նշված ա, որ իրոք ունենք էդ պահանջները, հիմա պիտի չբերե՞նք էն տեսքի, որ համապատասխանի իրականությանը»,- ասաց Մելքոնյանը՝ ըստ էության հակասելով Նիկոլ Փաշինյանին, ով շարունակ պնդում է, որ ՀՀ սահմանադրության մեջ տարածքային պահանջ չկա։