«Արցախ վերադարձի հնարավորություններ կան»․ Իշխան Սաղաթելյան

Արդյո՞ք ԵԱՀԿ Մինսկի խմբի լուծարումից հետո որևէ մեխնիզմ կա, որը հնարավորություն կընձեռի արցախահայերին վերադառնալ Արցախ, վերադարձնել հայկական Արցախը։ Ազատության հրապարակում ընթացող հանրահավաքի ժամանակ լրագրողների հետ զրույցում անդրադառնալով այդ հարցին՝ «Հայաստան» խմբակցության պատգամավոր Իշխան Սաղաթելյանը նշեց․ «Իհարկե կա։ Որևէ հույս չկա այս իշխանության գոյության պայմաններում։ Բազմիցս ասել եմ՝ Նիկոլ Փաշինյանը, լվանալով Էրդողանի ու Ալիևի արյունոտ ձեռքերը, փորձում է լեգիտիմացնել Արցախում տեղի ունեցած էթնիկ զտումը, ցեղասպանությունը, ինչպես նաև մեր կորուստները դարձնել անդառնալի։

Ես կարծում եմ այդ գիծը դեռ չենք անցել, հնարավորություն կա․․․ Բոլոր հնարավորությունները կան։ Նախ՝ աշխարհին պետք է ցույց տալ, որ Արցախում տեղի է ունեցել էթնիկ զտում, ցեղասպանություն և այդտեղից բխեցնել վերադարձի հավաքական իրավունքը։