«Այո՛, Կառավարությունը Նիկոլ Փաշինյանն է»․ Էմմա Պալյան

«Ի՞նչն է սխալ ասում Նիկոլ Փաշինյանը, այո՛, Կառավարությունն ինքն է, ում ընտրել է ՀՀ քաղաքացին»,- լրագրողների հետ զրույցում նման տեսակետ հայտնեց ՔՊ-ական պատգամավոր Էմմա Պալյանը՝ անդրադառնալով Փաշինյանի հայտարարությանը։
Նրա խոսքով՝ Նիկոլ Փաշինյանն ու իրենց քաղաքական թիմն են իրական խաղաղություն բերել։
Հարցին՝ որտե՞ղ եք տեսնում այդ խաղաղությունը, Պալյանը պատասխանեց․ «Չեք տեսնո՞ւմ այդ խաղաղությունը, սահմանին այսօր չկան կրակոցներ, չկան միջադեպեր»։ Պալյանի խոսքով՝ ՀՀ քաղաքացին երկու ձեռքով կողմ է խաղաղությանը: