«Ալիևը հակված չէ ճանաչել Ալմաթիի հռչակագրով ճանաչված սահմանները»․ Կարեն Հեքիմյան

Հասարակական գործիչ Կարեն Հեքիմյանի ֆեյսբուքյան գրառումը. «Ադրբեջանի քաղաքական շրջանակներում ակտիվ քննարկվում է հայ-ադրբեջանական սահմանի սահմանազատումը: Այդ համատեքստում ամենաինտրիգայինն էքսկլավ-անկլավների խնդիրն է: Ադրբեջանի քաղաքական էլիտայի ներկայացուցիչները միաբերան պնդում են, որ Յուխարի Ասքիփարան, Սոֆուլու|Բարխուդարլուն և Քյարքին (Տիգրանաշենը) միանշանակ վերադարձման ենթակա են, սակայն Արծվաշենը՝ ոչ: Վերջիններս վստահ են, որ, եթե Հայաստանն Արծվաշենի վերադարձի հարցը բարձրացնի և պնդի, ապա Ադրբեջանն ի պատասխան միանգամից օրակարգ կբերի «պատերազմական հանցագործությունների վերաբերյալ մեղադրանքները, միջազգային դատարաններում ընթացող գործերը և նմանատիպ այլ հարցեր»:
Այսինքն, Ադրբեջանի քաղաքական էլիտան հակված չէ ճանաչել Ալմաթիի հռչակագրով ճանաչված սահմանները: Իսկ, ինչպես գիտեք, Ադրբեջանի քաղաքական էլիտա որպես այդպիսին չկա: Դա Ալիև Իլհամն է»: