«Թրամփը, ալիևն ու էրդողանը խոսում են միջանցքի մասին, թավշիստները մոլագարի համառությամբ պնդում են հակառակը»․ Արման Աբովյան

ԱԺ նախկին պատգամավոր Արման Աբովյանի ֆեյսբուքյան գրառումը․ «Լսե՞լ եք վերջին «թավշյա» նորությունները։

Այսպես՝ Թրամփը խոսում է միջանցքի մասին, ալիևն ու էրդողանը՝ «քաղցր զույգը», խոսում են միջանցքի մասին, բոլորը խոսում են միջանցքի մասին, իսկ հայաստանյան թավշյա իշխանությունները մոլագարի համառությամբ շարունակում են պնդել հակառակը։
Լավ, ենթադրենք՝ նրանք ճշմարտությունն են ասում։ Այդ դեպքում ինչո՞ւ թավշիստները չեն խոսում այն մասին, թե ով է իրականացնելու սահմանային և մաքսային գործընթացները։ Ով՝ ուղիղ։
Ո՞վ է դրոշմադրոշմելու փաստաթղթերը և անձնագրերը։
Այս հարցին մենք երբեք պատասխան չենք լսի իրենցից։
Բայց պատասխանը իրականում երեսին է․ դատելով իշխանությունների բոլոր «շուստրի» բառախաղերից և «կռուտիտներից» Հայաստանի իշխանությունները չեն ստուգելու Հայաստան մուտք կամ ելք գործող ադրբեջանցիներին, առավելագույնը կստանան տեղեկություն «Թրամփի աութսորսերներից», ինչը նշանակում է, որ եթե ադրբեջանցին ուղիղ վերահսկողության չի ենթարկվում ՀՀ սուվերեն տարածք մուտք և ելք գործելիս, ապա դա ՄԻՋԱՆՑՔ Է։ Կրկնեմ , ճանապարհ չէ, մայրուղի չէ, «մսով պեռաշկի» չէ, այլ միջանցք է։
Վերջ։
Սակայն նույնիսկ այս ակնհայտ իրավիճակում թավշիստներ չէին լինի իրենք, եթե չհարձակվեին ու չսկսեին մեղադրել նրանց, ովքեր փաստերով ցույց են տալիս, որ իրենք հանձնել են միջանցքը՝ «փաստերի խեղաթյուրման» և քաղաքական մազոխիզմի մեջ։
Հիմարությո՞ւն։ Բթացությո՞ւն։ Սո՞ւտ։
Ճիշտ այդպես։
Որովհետև հակառակը ապացուցել նրանք չեն կարող․ ավելի ճիշտ իրավունք չունեն, քանզի նրանց Բաքվից իրենց «կառուցողական գործընկերը» անմիջապես «ա-տա-տա» կանի։
Եվ երբ նայում եմ նրանց այդ անիմաստ ջանքերին՝ «անհնարինը հնարավոր դարձնելու» փորձերին, հիշում եմ, թե ինչպես 2018-2019 թվականներին բառացի նույն իրավիճակն էր, իրենք կոկորդները պատռում էին, ծաղրում մարդկանց, երբ վերջիններս ասում էին, որ իրենք հանձնելու են Արցախը։ Այդ մարդկանց անվանում էին նույնիսկ ժողովրդի թշնամիներ՝ միայն նրա համար, որ նրանք մատնանշում էին ակնհայտը։
Իսկ ի՞նչ եղավ վերջում։
Արդյունքում հանձնվեց ոչ միայն Արցախը, այլև ընթանում է Թուրքիայի և Ադրբեջանի տանդեմի կողմից Հայաստանի հետևողական գաղութացման գործընթացը։
Ուրեմն խմեք սառը ջուր և հանգստացեք․ դուք հանձնել եք միջանցքը, բայց պարզապես մինչև մատների դող վախենում եք ասել ճշմարտությունը և սուտ եք խոսում, սուտ, սուտ, որովհետև շուտով ընտրություններ են, և դուք վախենում եք, որ նույնիսկ ձեր ամենաահեղեն հետևորդները ձեզանից երես են թեքելու։
Ահա, սրանով էլ բացատրվում են ձեր բոլոր հիստերիաները և մարդկանց համոզելու փորձերը, որ սևը սպիտակ է։
Արդեն զզվանք է առաջացնում այս թավշյա լորձանքը՝ բաղկացած ստից ու մանիպուլյացիաներից, որով դուք քսմսել եք ողջ տեղեկատվական դաշտը»։