«Հայաստանում կկայանա Ռուբեն Ռուբինյանի և Սերդար Քըլըչի հանդիպումը»․ ՀՀ ԱԳՆ

ՀՀ ԱԳՆ մամուլի խոսնակը հայտնում է, որ Հայաստան-Թուրքիա հարաբերությունների կարգավորման գործընթացի շրջանակում առաջիկա օրերին Հայաստանում նախատեսվում է հատուկ ներկայացուցիչներ Ռուբեն Ռուբինյանի և Սերդար Քըլըչի հանդիպումը:
Հիշեցնենք՝ թուրքական լրատվամիջոցներն ավելի վաղ հայտնել էին, որ Թուրքիայի և Հայաստանի պատվիրակությունների առաջին հանդիպումը Մարգարա-Ալիջան սահմանային անցակետի գործունեության վերաբերյալ նախատեսված է հաջորդ շաբաթվա սկզբին․
«Դեսպան Սերդար Քըլըչի գլխավորած պատվիրակությունը հաջորդ շաբաթվա սկզբին Ալիջանի անցակետով կմեկնի Հայաստան։ Միջկառավարական պատվիրակությունների առաջին հանդիպման ժամանակ կարող են որոշումներ կայացվել երկրների միջև հարաբերությունները կարգավորելու վերաբերյալ, իսկ պաշտոնյաները կարող են նաև քննարկել նախկինում ընդունված որոշումների իրականացումը», - հաղորդել էր NTV հեռուստաալիքը։