«Ո՛չ, չեմ լսել». Ծովինար Վարդանյան

«Որպես կին պատգամավոր՝ ինչպես եք գնահատում ձեր գործընկերոջ պահվածքը՝ Թագուհի Թովմասյանի նկատմամբ»,- դիմելով ՔՊ-ական պատգամավոր Ծովինար Վարդանյանին՝ հարցրեց լրագրողը: «Պատգամավորական գործունեությունը սեռ չի ենթադրում, որ նշեցիք՝ որպես կին պատգամավոր։ Գիտեմ՝ ինչ-որ բան է կատարվում, չեմ հետևել։ Բայց ուզում եմ ասել, որ կարծում եմ, որ Ազգային ժողովում ընդհանրապես, ոչ թե ինչ-որ մեկի նկատմամբ, այլ ընդհանրապես, պետք է պահպանվի խոսքի որակը և մակարդակը, որովհետև շատ կարևոր է, որպեսզի քաղաքացիները տեսնեն, որ պատգամավորներն իրար հետ խոսելիս, իրար հետ շփվելիս և որևէ բան քննարկելիս, բուն բովանդակությունն են քննարկում»,- ասել է պատգամավորը: «Սեռավարակի թեստ հանձնելու մասին էր ասում Հովհաննիսյանը, լսել եք, չէ՞»,- լրագրողի դիտարկանը՝ այսպես է արձագանքել. «Դուք ինչ-որ բան եք շարունակում, իմ կարծիքն ասել եմ: Ո՛չ, չեմ լսել»: