«Եթե Արմեն Դանիելյանն ընտրվի Վճռաբեկի դատավոր, փաստաբանները երջանիկ կլինեն»․ Գեղամ Մանուկյան

ԲԴԽ-ն որպես վճռաբեկ դատարանի քրեական պալատի դատավորի թեկնածու առաջադրել է նաև Վերաքննիչ քրեական դատարանի դատավոր Արմեն Դանիելյանին։ ԱԺ-ում հարցի քննարկման ժամանակ «Հայաստան» խմբակցության պատգամավոր Գեղամ Մանուկյանը հիշեցրեց, որ քաղաքական հիմքով բոլոր կալանքների դեմ բողոքների մերժումը եղել է Արմեն Դանիելյանի ձեռքով․ «Ռոբերտ Քոչարյան, Արթուր Սարգսյան, Ավետիք Չալաբյան, Մենուա Հովսեփյան, Մանվել Փարամազյան, այս բոլոր մարդկանց կալանքների դեմ բողոքների մերժումը նրա ձեռքով է եղել»,- ասաց Գեղամ Մանուկյանը՝ ցանկություն հայտնելով, որ Արմեն Դանիելյանը անպայման ընտրվի Վճռաբեկ դատարանի դատավոր․ «Գիտե՞ք՝ ինչու, որովհետև փաստաբանական ամբողջ ընտանիքը երջանիկ կլինի, և նա ի վիճակի չի լինի բազմաթիվ կալանքներ տալ»,- ասաց Մանուկյանը: