««Հայաստան» խմբակցության համար սա ավելի կարևոր էր, քան Փաշինյանին անվստահություն հայտնելը»․ Էդգար Ղազարյան

Հասարակական, քաղաքական գործիչ Էդգար Ղազարյանի ֆեյսբուքյան գրառումը․ «Ընդդիմություն-իշխանություն՝ արգասաբեր համագործակցություն․
Ընդդիմության կողմից առաջադրված թեկնածուն ընտրվել է այն դեպքում, երբ 107 պատգամավորից քվեարկությանը մասնակցել է 89 պատգամավոր, իսկ Արա Նռանյանի օգտին քվեարկել է՝ 88 կողմ, 1 դեմ։
Սա նշանակում է, որ նրա օգտին են քվեարկել բազմաթիվ պատգամավորներ «Քաղաքացիական պայմանագիր» խմբակցությունից։
Երբ խոսում ենք իմպիչմենտի մասին, շատերը, հատկապես՝ «Հայաստան» խմբակցությունից, բացառում են ՔՊ-ից պատգամավորների միանալու հնարավորությունը և այդ պատճառաբանությամբ չեն միանում նախաձեռնությանը։ Բայց այս դեպքում պատկերն այլ է. «Հայաստան» խմբակցության պատգամավորներն իրենց ստորագրությունները ոչ թե պահել են սեյֆում, այլ դրել նախաձեռնության տակ ու քվեարկել ՔՊ-ի հետ միասին։
Փաստորեն, «Հայաստան» խմբակցության համար Արա Նռանյանին ՀԾԿՀ անդամ ընտրելն ավելի կարևոր էր, քան Նիկոլ Փաշինյանին՝ անվստահություն հայտնելը»։