«Անապահով ընտանիքներին օգնելը երբեմն ավելի է վատացնում նրանց կյանքը»․ Նիկոլ Փաշինյան

«Այն նոր գաղափարաբանությունը, այն նոր հայեցակարգը, որը մենք ձևակերպել ենք, այն նոր ուղերձը, որը մենք տալիս ենք աշակերտներին, չափազանց կարևոր է։ Մենք երեխաներին կոչ ենք անում՝ լավ սովորիր, որ լավ ապրես»,- Դեբեդի նորակառույց դպրոցի բացմանը ասել է ՀՀ վարչապետ Նիկոլ Փաշինյանը։

Անդրադառնալով ՀՀ-ում տիրող սոցիալական վիճակին՝ Փաշինյանը նշել է, որ կա աղքատության, գործազրկության, սոցիալական բավականին լուրջ և շոշափելի խնդիր։ «Մենք տեսնում ենք, որ նույնիսկ սոցիալապես ամենավատ վիճակում գտնվող ընտանիքներին ամեն օր, ամեն շաբաթ, ամեն ամիս, ամեն տարի օգնել, աջակցելը էն ժանրով, ինչը մենք անվանում ենք սոցիալական կամ հումանիտար օգնություն, այդ մարդկանց կյանքում ընդհանրապես որևէ բան չի փոխում, այլ երբեմն ավելի վատացնում է։ Հետևաբար մեզ համար դպրոցը մի տեղ է, որտեղ աշակերտները պետք է սովորեն լավ ապրել։