«Ձախողումներն ու նվաստացումները դարձրել են «հաղթանակներ»․ Հարութ Ուլոյան

Հրապարակախոս Հարութ Ուլոյանի ֆեյսբուքյան գրառումը․ «թՔՊ-ականները՝ Նիկոլի գլխավորությամբ, այնպես են հպարտանում Ոսկեպարի եկեղեցով, կարծես ՀՀ տարածքում դրա պահպանումը նրանց փութաջան ու անխոնջ աշխատանքի արդյունքն ա։ Ըստ իրենց իսկ կողմից թմբկահարվող Ալմա Աթայի հռչակագրի տրամաբանությունից ելնելով՝ այդ եկեղեցին ՀՀ տարածքում ա գտնվում, Նիկոլից առաջ էլ էր ՀՀ վերահսկողության տակ։ Ե՞վ։ Հայելային ու փոխադարձության սկզբունքներով սահմանազատման ջատագովները, պատերազմի սպառնալիքի տակ, միակողմանիորեն Տավուշում տարածքներ «վերադարձրեցին» Ադրբեջանին ու հիմա կուրծք են ծեծում, թե դա ի՜նչ մեծ ձեռքբերում էր։
Բայց, իհարկե, հասկանալի ա, թե ինչու են նրանք կենտրոնացել այդ՝ իրենց համար նպաստավոր, թեմայի վրա։ Երբ այդ միակողմանի սահմանազատման գործընթացի ժամանակ ոմանք, խնդրի բուն էությունը թողած, մի եկեղեցու ապագայի դարդն էին լացում, բնականաբար հիմա էլ թՔՊ-ականները պիտի կառչեն հենց դրանից։
Ու էս վերջին 5 տարիներին հենց այդպես էլ եղել ա։ Երբ հայտնի շրջանակները, խնդիրների բուն էությունները թողած, փորձել են հասարակության շրջանում դրանց այլ երանգ հաղորդել, թՔՊ-ականներն էլ մշտապես օգտվել են այդ հանգամանքից և ձախողումներն ու նվաստացումները դարձրել են «հաղթանակներ»։