ՀՀ-ն ռուսական շուկայում գինու խոշոր վաճառողների տասնյակում է

Տարվա առաջին կեսին Ռուսաստանը 1/3-ով կրճատել է արտասահմանյան գինու ներմուծումը, Գերմանիան դուրս է մնացել խոշորագույն մատակարարների հնգյակից։ Հայտնում է ՌԻԱ Նովոստին՝ հղում կատարելով ազգային վիճակագրական ծառայություններին։
Արտասահմանյան մատակարարները այս տարվա առաջին վեց ամիսներին ռուսական շուկայում վաճառել են 304.5 միլիոն դոլարի գինի՝ նախորդ տարվա նույն ժամանակահատվածի 433.8 միլիոն դոլարի համեմատ։
Իտալիան մնացել է ամենամեծ արտահանողը տարվա առաջին կեսին, չնայած նրա մատակարարումները նվազել են ավելի քան մեկ երրորդով՝ հասնելով 83.3 միլիոն դոլարի։ Վրաստանը մի փոքր հետ է մնացել առաջատարից, ներմուծումը նույնպես նվազել է մոտ մեկ երրորդով՝ հասնելով 72.8 միլիոն դոլարի։ Լատվիան լրացրել է առաջին եռյակը՝ առաքումները նվազեցնելով մեկ քառորդով՝ հասցննելով 47.7 միլիոն դոլարի։
Լեհաստանը մնում է չորրորդ տեղում։ Չնայած արտահանման գրեթե 18%-ով անկմանը, Պորտուգալիան կարողացել է զբաղեցնել հինգերորդ տեղը՝ 15.4 միլիոն դոլարի արտահանմամբ։ Սա պայմանավորված էր Գերմանիայից առաքումների կտրուկ կրճատմամբ՝ 2.2 անգամ, մինչև 8.8 միլիոն դոլար, որի արդյունքում երկիրը հինգերորդ տեղից իջել է յոթերորդ։ Միևնույն ժամանակ, Չիլին, որը մնում է վեցերորդը, ավելացրել է առաքումները՝ մեկ հինգերորդով՝ մինչև 12.2 միլիոն դոլար։ Ռուսական շուկա գինի մատակարարող տասը խոշորագույնների շարքում են նաև Լիտվան (6.7 միլիոն դոլար), Իսպանիան (6.4 միլիոն դոլար) և Հայաստանը (4.3 միլիոն դոլար)։