«Ցանկացած ուժ իշխանության գալով՝ կարող է վերաբանակցել փաստաթղթերի շուրջ». Սեյրան Օհանյան

«Ասում եք՝ սեղանին եղած խաղաղության փաստաթուղթը չի հասցեագրում ՀՀ բոլոր շահերը, այսինքն՝ թերի է: Եթե գաք իշխանության, այդ փաստաթղթի հետ ինչպե՞ս եք վարվելու՝ չեղարկելո՞ւ եք, նո՞րն եք բերելու»,- դիմելով ԱԺ ընդդիմադիր պատգամավոր Սեյրան Օհանյանին՝ հարցրեց լրագրողը: Պատգամավորը նշեց, որ ցանկացած նոր ուժ, որը կարող է գալ իշխանության, առաջին խնդիրներից մեկը ազգային ռեալ երաշխիքի ձևավորումն է, մյուսը՝ եթե ներքին ամրությունը կա, վերաբանակցություն իրականացնելը. «Բանակցությունները պետք է լինեն համապատասխան բալանսի ու փոխադարձ շահերի, հարգանքի շրջանակում, իսկ այսօր տեսնում ենք միակողմանի պարտադրանք, հռետորաբանություն»: