«Փոխանակ ներկայացնեն նոր անցագրային կետի ձևը, կնիքն են փոխում»․ Հովսեփ Կուբատյան

Երևանի ավագանու «Ազգային առաջընթաց» խմբակցության անդամ Հովսեփ Կուբատյանի ֆեյսբուքյան գրառումը․ «Օգոստոսի 8-ից հետո իշխանությունները միաբերան պնդում են, որ Թրամփի անխոչընդոտ ճանապարհին և բոլոր մնացած հսկիչ անցագրային կետերում պետք է լինի ժամանակակից ավտոմատացված անձնագրային ստուգում՝ առանց մարդկային միջամտության։
Ու դրանից հետո փոխանակ ներկայացնեն նոր անցագրային կետի ձևը, բռնում կնիքն են փոխում՝ վրայից հանելով Արարատի նկարը։
Ու իրանց ասելով էդ Թրամփի ճանապարհը պետք է հնարավորինս շուտ իրագործվի։ Կլինի՞ գոնե ձեր մի ասածը ձեր արածին համապատասխանի։ Հետո էլ ասում եք, որ ընդդիմությունը մանիպուլիացիաներ է անում ու ձեր հրաշք փաստաթուղթը սխալ է ներկայացնում։
Եթե դուք ամեն ինչ ճիշտ եք ասում, շատ արագ կներդնեիք ավտոմատ անձնագրային ստուգում, ու կնիքը, Արարատը ավտոմատ կվերանային։ Բայց դուք նույնիսկ անձնագրային բաժանմունքներում հերթը չեք կարողանում կառավարել ու նույնականացման քարտ տրամադրեք մարդկանց, այն դեպքում երբ պարտադիր հայտարարագրում եք մտցրել ու նույնականացման քարտը անհրաժեշտություն է»։