«Խնդիրն այլ հարթակում էր լուծվում»․ Դավիթ Մելքումյան

«Ցավոք, որոշումներն արդեն կայացված էին գերտերությունների կողմից, ուղղակի մենք տեղեկացված չէինք այս բոլոր գործնթացներից, քանի որ մենք հնարավորություն չունեինք ինքներս մասնակցելու դրանց»․ այսօր Եռաբլուրում լրագրողների հետ զրույցի ժամանակ ասել է Արցախի ԱԺ պատգամավոր Դավիթ Մելքումյանը։ «Խնդիրը ոչ միայն հումանիտար օգնության մեջ էր, Արցախի կորստից 2 տարի է անցել, և վերլուծելով ամենը՝ մենք բոլորս տեսանք, որ խնդիրն այլ հարթակում էր լուծվում, ամբողջությամբ քաղաքական էր, հումանիտարը դա ընդմները ձևական բնույթ էր կրում, դա մի մեծ վարագույր էր, որի տակ պահվում էր այդ ամբողջ մեծ գործընթացը»,- հավելել է Դավիթ Մելքումյանը։ «Մենք այսօր եկել ենք մեր հարգանքի տուրքը տալու մեր զոհերի հիշատակին, իսկ թե ՀՀ իշխանությունները ինչու այստեղ չեն, կարծում եմ այս հարցին ես չէ, որ պիտի պատասխանեմ»,- ասել է արցախցի պատգամավորը։