«Ցինիզմ է, որ Լևոնի ու ղարաբաղյան գործընթացի մասին խոսում են անտեղյակ մարդիկ»․ Հարութ Ուլոյան

Հրապարակախոս Հարութ Ուլոյանի ֆեյսբուքյան գրառումը. «Լևոնի մասին խոսակցություններում գիտե՞ք որն ա ցինիզմի գերադրական աստիճանը։ Երբ այնպիսի մարդիկ են խոսում ղարաբաղյան գործընթացից ու Լևոնի հրաժարականից, որ, 100 տոկոսով, իրենք իրենցով բացարձակապես չեն քննել այդ իրադարձություններն ու ոչ էլ հրաժարականի նախորդող ու հաջորդող իրադարձություններից են տեղյակ։ Այս մարդիկ, երկու տասնամյակից ավել, թութակի պես կրկնում էին, որ Վազգենը, Քոչարյանն ու Սերժը, Լևոնի հանդեպ հաղթանակ տանելով, փրկեցին Ղարաբաղը պարտվողականությունից։ Հիմա այդ մարդկանց մեծամասնությունը, ըստ պահի թելադրանքի՝ հարմարվողականության, թութակի պես կրկնում ա, թե Լևոնը փախել ա պատասխանատվությունից։
Էլի եմ կրկնում, էս մարդկանց 100 տոկոսը գաղափար չուներ ու հիմա էլ չունի այդ գործընթացներից։ Այս մարդիկ շարժվում են ըստ քաղաքական մոդայի թելադրանքի։ Բնականաբար՝ անձնական ամբիցիաներից ելնելով։ Էս մարդիկ հարցի կարգավորման ոչ մի պլան, վստահաբար չեն ընթերցել, ոչ էլ տարբերում են իրարից։ Էս տիպի մարդիկ բացարձակապես չգիտեն, թե ինչ գնով ա ձեռք բերվել հաղթանակը, չգիտեն, թե ինչպես ա Ղարաբաղը դուրս թողնվել գործընթացներից, էս մարդիկ չեն ընկալել դրա նշանակությունը, էս մարդիկ թքած ունեն, թե 18-19 թվականներին ինչ պլաններ են մերժվել։ Մի օր, եթե մոդան դա ա թելադրում, կասեն՝ ոչ մի պլան էլ չի եղել, իսկ հաջորդ օրը կասեն՝ պիտի մերժեինք, որ ինքնիշխանություն ձեռք բերեինք։
Ասում են՝ բանավիճեք ու ձեր ճշմարտացիությունը ապացուցեք։ Սա նույն բանն ա, եթե ասեք՝ գնացեք գլուխներդ պատին տվեք։ Ինչպե՞ս կարելի ա ինչ-որ հարցի վերաբերյալ բանավիճել ինչ-որ մարդու հետ, եթե այդ մարդն ամեն օր կարծիք ա փոխում նույն այդ հարցի վերաբերյալ։ Իսկ վերջում էլ գալիս ա այն եզրահանգմանը, թե այդ հարցն ընդհանրապես չպիտի գոյություն ունենար ու չունի»։