«Հավալաներով կազմաքանդեց բանակը․ նույն սխեման սահմանապահ զորքերում է կիրառում»․ Կարեն Վրթանեսյան

Ռազմական փորձագետ Կարեն Վրթանեսյանի ֆեյսբուքյան գրառումը․ «Էդգար Հունանյանն ազատվել է ԱԱԾ սահմանապահ զորքերի հրամանատարի պաշտոնից։ Այս պաշտոնում նշանակվել էր անցյալ տարվա հուլիսի 30-ին։ Այսինքն 1 տարի ու 1 ամսից մի քիչ ավելի է պաշտոնավարել։

Մինչ այդ էլ Հունանյանը սահմանապահ զորքերի հրամանատարի ժ/պ էր տարուց ավելի (այսինքն, մեծ հաշվով, այդ կառույցը «պաուզայի վրա» էր դրված այդ ժամանակ, որովհետև ժամանակավոր պաշտոնակատարները երկարաժամկետ ծրագրերով լիարժեք զբաղվել չեն կարող, օրվա հարցերն են լուծում)։
Սահմանապահ զորքերի նախորդ հրամանատարը՝ Արման Մարալչյանն ազատվել էր պաշտոնից 2023 թվականի ապրիլին։ Պաշտոնավարել էր մոտ 2,5 տարի։
Այսինքն վերջին 5 տարում ԱԱԾ սահմանապահ զորքերն ունեցել են 2 հրամանատար, իսկ արանքում՝ 1 տարի 5 ամիս «օդից կախված» ժ/պ։
Ժամանակին կադրային այսպիսի հավալաներով Նիկոլը կազմաքանդեց ՀՀ բանակը և Արցախի պաշտպանության բանակը։ Եվ արդեն 5+ տարի է՝ նույն սխեման նաև սահմանապահ զորքերում է կիրառում։
Սա այն դեպքում, որ սահմանապահ զորքերի նշանակությունը և խնդիրների ծավալը կտրուկ աճել է վերջին տարիներին ու, ենթադրաբար, դեռ աճելու է»։