«Իրական Հայաստանը հակադրել պատմականին, նշանակում է՝ որդուն հակադրել հորը»․ Իշխան Սաղաթելյան

«Մեզ պարտադրում են կեղծ հակադրություն՝ իբր գոյությունի ունի պատմական Հայաստան ու իրական Հայաստան։ Բայց դա մտացածին հակադրություն է, որևէ վեճ չկա։ Պատմական Հայաստանը հենց մեր իրականությունն է, մեր անցյալը, որը մեզ տվել է անկախություն․ այն մեր պատմությունն է, որը պարտավորեցնում է կերտել ապագան»,- իր ելույթում ասել է դաշնակցական գործիչ, ԱԺ «Հայաստան» խմբակցության պատգամավոր Իշխան Սաղաթելյանը։ Նրա խոսքով՝ իրական Հայաստանը պատմական Հայաստանի շարունակությունն է։ «Իրական Հայաստանը հակադրել պատմականին, նշանակում է՝ որդուն հակադրել հորը»,- նշել է Սաղաթելյանը։

Հիշեցնենք՝ ՀՅԴ երիտասարդական և ուսանողական միություններն այսօր տոնական հավաք-երթ էին կազմակերպել։