«Ինքնորոշված ժողովուրդը չի բավարարվում գոյատևելով»․ Գարեգին Միսկարյան

«Ժողովրդավարական հարթակ» հիմնադրամի տնօրեն Գարեգին Միսկարյանի ֆեյսբուքյան գրառումը․ «Ինքնորոշված ժողովուրդը չի բավարարվում գոյատևելով․ նա ստանձնում է պատասխանատվություն և կերտում է իր ապագան։
Ինքնորոշման ճանապարհի առաջին քայլը ազատությունը ճանաչելն ու գնահատելն է։ Ազատությունը մեր մեծագույն ձեռքբերումն է, և եթե մարդը չի գնահատում ազատությունը, չի կարող ընկալել նաև անկախության արժեքը։
Միայն ինքնորոշված մարդիկ են ունակ կերտել ինքնիշխան և ազատ պետություն։ Ազատ մարդն ու ազատ հասարակությունն են այն միակ ուժը, որ կարող են ձգտել իրական ինքնիշխանության և կերտել հզոր պետություն, և ազատատենչ մարդը երբեք չի հանդուրժի այն իշխանությանը, որն օրվա շահի համար զոհաբերում է իր և սերունդների ապագան։
Գնահատեք ձեր ազատությունը այսօր, որովհետև, ինչ «լուսավոր» պատրվակներով էլ մատուցվեն այսօրվա զիջումները, դրանք դառնալու են վաղվա ձեր ու ձեր երեխաների ազատության վզին զսպօղակ։
Շնորհավոր Անկախության տոնը»։