«Այցելե՛ք մարզեր, բնակիչների համար բացահայտե՛ք իշխանության գեբելսյան ստերը»․ Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրում է․ «Երևանում Նիկոլ Փաշինյանի վարկանիշը 10 տոկոս է, գյուղերում ՝ դրանից 3 անգամ ավելի։
Երևանը միշտ ավելի քաղաքականապես հասուն է, քան՝ գյուղերը, որտեղ տեղեկատվություն ստանալու այլընտրանքային աղբյուրները քիչ են։ Գjուղերի շատ բնակիչներ միամտաբար հավատում են հանրային կոչված հեռուստաընկերության քարոզներին, թե Հայաստանն ու Ադրբեջանը խաղաղություն են հաստատել, Հայաստանն անվտանգության առումով այլևս մտահոգվելու բան չունի, երկիրը տնտեսապես ծաղկում է, զարգացման բազում ծրագրեր են իրականացվում։ Իշխանական քարոզչությունը լռում է, որ այդ ծրագրերը ամենևին էլ զարգացման․շարունակական բնույթ չունեն, դրանք արվում են պարտքով՝ վարկերով, քարոզչությունը լռում է հսկայական պետական պարտքի, իշխանավորների ծառայողական թանկ ավտոների, արտերկիր պաշտոնյաների պետական շահի տեսանկյունից անիմաստ՝ սակայն թանկ գործուղումների, առողջապահության և սոցիալական ապահովության ոլորտներում տիրող խայտառակ վիճակի մասին։ Ընդդիմադիր համարվողներ, Երևանի մամլո սրահներում ասուլիսներ տալու փոխարեն ավելի շատ այցելեք մարզեր, բնակիչների համար բացահայտեք իշխանության գեբելսյան ստերը։ Այդ պատճառով այդ մարդիկ առաջիկա ընտրություներում գուցե ձայն տան ձեզ»։