Թուրքիան և ԱՄՆ-ն ստորագրել են միջուկային էներգիայի ոլորտում համագործակցության հուշագիր

Թուրքիայի էներգետիկայի նախարար Ալփարսլան Բայրաքթարի խոսքով՝ Միացյալ Նահանգները և Թուրքիան ստորագրել են ռազմավարական քաղաքացիական միջուկային համագործակցության վերաբերյալ փոխըմբռնման հուշագիր։

«Մենք սկսել ենք նոր գործընթաց, որը կխորացնի Թուրքիայի և Միացյալ Նահանգների միջև բազմակողմանի գործընկերությունը միջուկային էներգիայի ոլորտում։ Առաջնորդների և ԱՄՆ-ի պետքարտուղար Մարկո Ռուբիոյի ներկայությամբ կայացած հանդիպումից հետո մենք ստորագրել ենք ռազմավարական քաղաքացիական միջուկային համագործակցության վերաբերյալ փոխըմբռնման հուշագիր։ Հուսով եմ, որ այս համաձայնագրի շրջանակներում իրականացվելիք աշխատանքները փոխադարձ օգուտ կբերեն երկու երկրներին»,- սոցիալական ցանցերում գրել է նախարար Ալփարսլան Բայրաքթարը։

Բայրաքթարը հավելել է, որ փաստաթուղթն ստորագրվել է Սպիտակ տանը, որտեղ նախկինում բանակցություններ էին վարել Թուրքիայի և ԱՄՆ-ի առաջնորդներ Ռեջեփ Թայիփ Էրդողանը և Դոնալդ Թրամփը։