«Իմպիչմենթը պետք է դառնա հանրային պահանջ». Հրանտ Մելիք-Շահնազարյան

«Դահլիճային աշխատանքների ժամանակն ավարտվել է, դրան դեռ կվերադառնանք իմպիչմենթի վերջին փուլում: Բայց հիմա պետք է ակտիվացնել փողոցը»,- ԱԺ դիմաց իմպիչմենթի թեմայով հավաքի ժամանակ լրագրողների հետ զրույցում ասել է քաղաքագետ Հրանտ Մելիք-Շահնազարյանը և ընդգծել, որ պետք է ամեն ինչ անել, որպեսզի և՛ համաժողովրդական ճնշման միջոցով, և՛ ընդդիմադիր բոլոր պատգամավորների իրական ներգրավվածության միջոցով, և՛ էլիտաների աշխատանքի միջոցով հնարավոր լինի հասնել նրան, որ իմպիչմենթը դառնա հանրային պահանջ:

«Պահանջը այնպիսի ուժ պետք է ունենա, որ որևէ քպ-ական կամ այլ պատգամավոր այլևս հնարավորություն չունենա հրաժարվելու այդ օրակարգից»,- հավելել է նա: