«Համապարփակ ամոթ բոլորիս»․ Րաֆֆի Հովհաննիսյան

«Համապարփակ ամոթ մեզ, մեր սերնդին, ղեկավարներին, ինձ, բոլորիս, որ պետականության պայմաններում թույլ տվեցինք մեր հայրենիքի մի մասի հայաթափումը, հազարավոր զինվորների կորուստը։ Պատասխանատվությունն առաջին հերթին հարևան ոսոխներինն է՝ ուղիղ մեղսակցությամբ այն իշխանության, ովքեր աթոռին են, նաև ռուսների մեղսակցությամբ ու միջազգային հանրության լռությամբ»,- 44-օրյա պատերազմի հինգերորդ տարելիցի օրը, լրագրողների հետ զրույցում, ասաց «Ժառանգության» առաջնորդ Րաֆֆի Հովհաննիսյանը։ Նրա խոսքով՝ կա՛մ պետք է վերականգնվենք, կա՛մ խոսույթը թողնենք նույնը։