«Քաղաքական ղեկավարության ու ռազմական հրամանատարության կողմից կառավարման տապալումը բերեցին աղետի»․ Հայկ Խանումյան

Արցախի ՏԿԵ նախկին նախարար Հայկ Խանումյանի ֆեյսբուքյան գրառումը․ «Արցախի հյուսիսարևմտյան կողմից թշնամու հարձակումները կանխելը կարևորագույն նշանակություն ուներ պատերազմի համար։ Ես վստահ եմ, որ հարավային ճեղքումը ևս հնարավոր էր կանխել հմուտ կառավարման շնորհիվ։ Ցավոք, քաղաքական ղեկավարության ու ռազմական հրամանատարության կողմից կառավարման տապալումը բերեցին աղետի։ Ու փոխանակ դասեր քաղելու, սեփական ճակատագրական սխալների վրա սովորելու՝ իշխանությունը հանրությանը կերակրում է թշնամու գերհզոր լինելու միֆերով, մարտունակ բանակ ստեղծելու անկարողության մասին ճամարտակություններով և կեղծ խաղաղության պատրանքներով»։