«Պարո՛ն վարչապետ, այդ մարդը որևէ տերմին չի հնարել, որ մուննաթ եք գալիս իր վրա»․ Դավիթ Խաժակյան

ԼՀԿ փոխնախագահ Դավիթ Խաժակյանի ֆեյսբուքյան գրառումը․ «ԵԽԽՎ պատվիրակը վարչապետ Փաշինյանին ասում է, թե պարզ է, որ «Զանգեզուրի միջանցքի» ստեղծումը բխում է Ադրբեջանի շահերից, բայց հարցնում է, արդյո՞ք այն բխում է նաև Հայաստանի շահերից, քանի որ այս մասով կասկածներ կան: Պատվիրակը մասնավորեցնում է հարցը, թե ի՞նչ տարբերություններ կան «միջանցքի» շուրջ ընկալումների մասով:
Հարցի բովանդակությանը չպատասխանելով՝ Փաշինյանը շրջանցում է եվրոպացի պատվիրակի մտահոգությունը և դատապարտում է օգտագործված տերմինը:
Պարո՛ն վարչապետ, այդ մարդը որևէ տերմին ինքն իրենից չի հնարել, որ մուննաթ եք գալիս իր վրա և դատապարտում: Այդ տերմինը շրջանառության մեջ է դրել և շարունակում է օգտագործել ձեր կոլեգա Իլհամ Հեյդարի Ալիևը: Դուք ո՞ւմ վրա եք մունաթ գալիս: Ասելու բա՞ն ունեք, ձեր զրուցակցին ասեք, դատապարտե՛ք: Թե չէ հարցնում եք՝ ի՞նչ նկատի ունի Ալիևը «Զանգեզուրի միջանցք» ասելով: Հենց էն նկատի ունի, ինչին դուք համաձայնել եք երկկողմ բանակցությունների արդյունքում»: