«Դեռ չեք հասկանո՞ւմ՝ ինչ են պատրաստվում ՀՀ-ի հետ անել «թավշյա» իշխանությունները»․ Արման Աբովյան

ԱԺ նախկին պատգամավոր Արման Աբովյանի ֆեյսբուքյան գրառումը․ «Այսինքն՝ Ադրբեջանի կողմից Հայաստանի տարածքի նկատմամբ «Արևմտյան Ադրբեջան» կոնցեպցիայի շրջանակներում առաջ քաշվող հավակնությունները՝ վտանգավոր չեն խաղաղ երկխոսության համա՞ր։
Այսինքն՝ Հայաստանի ինքնիշխան տարածքի օկուպացիան՝ վտանգավոր չէ խաղաղ երկխոսության համա՞ր։
Այսինքն՝ Արցախի հայերի նկատմամբ իրականացված ցեղասպանությունն ու տեղահանությունը՝ վտանգավոր չեն խաղաղ երկխոսության համա՞ր։
Այսինքն՝ Ադրբեջանի զինված ուժերի անընդհատ զինումը՝ վտանգավոր չէ խաղաղ երկխոսության համա՞ր։
Այսինքն՝ Հայաստանից Սահմանադրության փոփոխություն պահանջելը՝ վտանգավոր չէ խաղաղ երկխոսության համա՞ր։
Իսկ Բաքվում պահվող հայ ռազմագերիների հարցը կամ իրենց հայերի Արցախ վերադարնալու հարցը՝ վտանգավո՞ր է խաղաղ երկխոսության համար։
Ես չեմ հասկանում, սրանք իրո՞ք մեզ ապուշի տեղ են դրել։
Դուք հասկանո՞ւմ եք, թե ինչ են պատրաստվում Հայաստանի հետ անել «թավշյա» իշխանությունները։
Դեռ չեք հասկանո՞ւմ»։