«Ռուսաստանի կողմից ոչ թե ֆինանսական ներդրումներ, այլ անընդունելի բարքեր են ներդրվում Գյումրիում»․ Սարիկ Մինասյան

Նախընտրական շրջանում Գյումրու քաղաքապետ Վարդան Ղուկասյանն ասում էր, եթե ինքն ընտրվի, Ռուսաստանից մեծ ներդրումներ կգան Գյումրի: Եկե՞լ են արդեն այդ ռուսական ներդրումները Գյումրի․ Հանրային ՀԸ եթերում անդրադառնալով այս հարցին՝ Գյումրու ավագանու «Քաղաքացիական պայմանագիր» խմբակցության ղեկավար Սարիկ Մինասյանը նշեց, որ եթե խոսքը ֆինանսական ներդրումների մասին է, Ռուսաստանի կողմից ներդրում չի եղել Գյումրիում:

«Հակառակը՝ Ռուսաստանի կողմից ինչ-որ այլ բարքեր են ներդրվում Գյումրի քաղաքում, հայհոյախառն խոսույթ, ինչը գյումրեցիներին հարիր չէ: Դա միայն ռուսական մշակույթին է հարիր, երբ իրենց կանանց, աղջիկներ մոտ կարող ենք հայհոյանքով խոսել:

Կամաց-կամաց մարդկանց ուզում են տանել ինչ-որ միութենական պետությունների դաշտ, ինչն անընդունելի է: 90-ականներից սկսած՝ մեր երկրի անկախության, ինքնիշխանության համար թափված արյունը որևէ մեկը չի կարող ուրանալ, իրենք իրենց արժանի գնահատականն ու պատիժը ստանալու են միանշանակ»,- նշեց Մինասյանը: