«Ես այլ երկրի ԱԺ պատգամավոր չեմ»․ Հայկ Մամիջանյան

«Ես այլ երկրի ԱԺ պատգամավոր չեմ, ես պատասխանատու և հաշվետու եմ ՀՀ քաղաքացիների առջև»,- ԱԺ պետական-իրավական հարցերի մշտական հանձնաժողովի նիստի ժամանակ ասել է «Պատիվ ունեմ» խմբակցության ղեկավար Հայկ Մամիջանյանը՝ պատասխանելով հանձնաժողովի նախագահ Վլադիմիր Վարդանյանի հարցին, թե՝ «ձեր զեկույցի մեխերից մեկն այն է, որ Հայաստանի ինքնիշխան տարածքը հայտնվել է օկուպացիայի ներքո և միջոցներ չի ձեռնարկվում այդ օկուպացիան հաղթահարելու, և սա հիմք է՝ վարչապետի նկատմամբ որոշակի հարցադրումներ ներկայացնելու։ Մենք այս պահի դրությամբ ունենք միջուկային գերտերություն, որի տարածքի մի մասը գտնվում է այլ երկրի վերահսկողության ներքո, այս նույն տրամաբանությունը պետք է կիրառվի և նման հայտարարություն ներկայացվի նաև տվյալ երկրո՞ւմ, տվյալ ղեկավարի նկատմա՞մբ»։ «Զուգահեռներ առհասարակ չկան»,- ասել է ընդդիմադիր պատգամավորը։