«ՄԱԿ-ը պետք է անհապաղ վերանայի Ռուբեն Վարդանյանի կալանավորման վերաբերյալ եզրակացությունը»․ Մանե Թանդիլյան

«Ապրելու երկիր» կուսակցության համահիմնադիր Մանե Թանդիլյանի ֆեյսբուքյան գրառումը․ «2025 թ. փետրվարի 17-ին Անձանց կամայական կալանավորման հարցերով ՄԱԿ-ի աշխատանքային խումբը (UNWGAD) հրապարակեց թիվ 46/2024 եզրակացությունը՝ Ռուբեն Վարդանյանի կալանավորման վերաբերյալ:
Խումբը եզրակացրել էր, որ Վարդանյանի կալանավորումը Ադրբեջանի կողմից կամայական չէր։
Միջազգային քրեական դատարանի առաջին դատախազ Լուիս Մորենո Օկամպոյի փորձագիտական ​​կարծիքը բացահայտում է շահերի բախման այն իրական պատկերը, որը լուրջ կասկածներ է առաջացնում ՄԱԿ-ի հանձնախմբի անաչառության վերաբերյալ։
Պարզվել է, որ խմբի ներկայիս նախագահող Գաննա Յուդկիվսկան Equity Law Firm-ի գործընկեր է, որն Ուկրաինայում ներկայացնում է Ադրբեջանի պետական ​​նավթային ընկերությունը՝ SOCAR-ը։
Սա ուղղակի ֆինանսական կապ է Ադրբեջանի հետ, որը Վարդանյանի գործով կողմերից մեկն է։
ՄԱԿ-ի կանոնները պահանջում են բացառիկ անկախություն և ինքնաբացարկում, երբ առկա է շահերի բախում։
Փոխարենը, Յուդկիվսկան.
* Չի բացահայտել SOCAR-ի հետ կապը
* Չի հայտնել ինքնաբացարկ
* Մասնակցել է թիվ 46/2024 կարծիքին
Ավելին, Յուդկիվսկայի ամուսինը՝ ադրբեջանական արմատներով ուկրաինացի քաղաքական գործիչ է, ով մեղադրվում է կոռուպցիայի մեջ, ամուր կապեր ունի Ադրբեջանի հետ և հրապարակայնորեն աջակցել է ԼՂ շուրջ Ալիևի դիրքորոշմանը։
Այսպիսով՝ կարող ենք եզրակացնել, որ Յուդկիվսկայի մասնակցությունը թիվ 46/2024 կարծիքին, խախտում է.
ՄԱԿ-ի վարքագծի կանոնագիրքը
WGAD-ի աշխատանքային մեթոդները
ՄԱԿ-ի աշխատակազմի կանոնակարգը շահերի բախման վերաբերյալ։
Այս ամենը լուրջ կասկածի տակ է դնում թիվ 46/2024 կարծիքի անաչառությունը։
ՄԱԿ-ը պետք է անհապաղ վերանայի այս գործը»։