«Հարցերն ուղղե՛ք Նիկոլ Փաշինյանին․ ես որևէ պրոցեսի մեջ ներգրավված չեմ»․ Արգիշտի Մեխակյան

«Դուք հաճախակի հնարավորություն եք ունենում հարցեր ուղղելու Նիկոլ Փաշինյանին, նրան ուղղեք ձեր հարցերը։ Քաղաքական որևէ բանի մասին չեմ խոսելու, որովհետև այսօր մեր քաղաքի տոնն»,- այս մասին այսօր լրագրողների հետ զրույցում նշել է Էջմիածնի քաղաքապետի ժամանակավոր պաշտոնակատար Արգիշտի Մեխակյանը՝ անդրադառնալով հարցին, թե արդյո՞ք ինքն էլ է միանալու Եկեղեցու դեմ իշխանության վարած քաղաքականությանը։

Անդրադառնալով խոսակցություններին, որ եթե ինքն ընտրվի Էջմիածնի քաղաքապետի պաշտոնում, ապա Վեհարանը գրավելն օրերի հարց է լինելու, Արգիշտի Մեխակյանը նշեց. «Դրանք քաղաքական թեզեր են, որոնք հանրության մեջ տարածվել են, բայց իրականության հետ կապ չունեն։ Ես որևէ պրոցեսի մեջ ներգրավված չեմ»։

Ձեզ համար Ամենայն Հայոց Կաթղիկոսը Գարեգին Երկրո՞րդն է, թե՞ Կտրիճ Ներսիսյանը․ Մեխակյանն անպատասխան թողեց նաև այս հարցը՝ նշելով․ «Այդ հարցին պատասխան չունեմ, չեմ պատասխանում նման հարցերին»։