«Առաջարկում եմ հաջորդ անգամ երկու, երեք, նույնիսկ յոթ անգամ մտածել խոսելուց առաջ»․ Մովսես Հարությունյան

ԱԺ նախագահի խոսնակ Մովսես Հարությունյանի ֆեյսբուքյան գրառումը․ «Մայր աթոռի տեղեկատվական համակարգի տնօրեն Տեր Եսայի քահանա Արթենյանը մեկնաբանել է ՀՀ ԱԺ նախագահ Ալեն Սիմոնյանի՝ Մայր Տաճար այցելելությունը։ Այդ մեկնաբանությունը կարելի էր նորմալ համարել, եթե վերջում նա չխոսեր եկեղեցու ներսում նկարահանման վերաբերյալ իբր շրջանցված կարգի, տաճարում աղոթելու և ինչ-որ կազմակերպված ցուցադրական տեսարանների մասին:
Առաջարկում եմ Մայր աթոռի տեղեկատվական կենտրոնի տնօրենին հաջորդ անգամ երկու, երեք կամ անհրաժեշտության դեպքում նույնիսկ յոթ անգամ մտածել խոսելուց առաջ կամ եթե, ինչ-ինչ պատճառներով այդ ունակությունը չկա, ապա կխնդրեմ ուղղակի լռել:
Սկսել հանրային քննարկում ցուցադրական տեսարանների և Մայր աթոռում շրջանցված կարգերի վերաբերյալ հաստատ չի բխում իր շահերից»: