«Իշխանությունը «քաղաքական բոսյակների» հավաքածու է, իսկ ի՞նչ է անում ընդդիմությունը․ ոչինչ»․ Սուրեն Սուրենյանց

«Եթե ձգտում ենք մրցակցային ընտրությունների և փորձում ենք ընտրությունների ճանապարհով հեռացնել Նիկոլ Փաշինյանին, առաջին հերթին պետք է լուծենք պատանդառված քաղբանտարկյալների ազատ արձակման հարցը»,- «24Նյուզ»-ի հետ զրույցում այս կարծիքը հայտնեց «Դեմոկրատական այլընտրանք» կուսակցության նախագահ, քաղաքագետ Սուրեն Սուրենյանցը։

Նրա դիտարկմամբ՝ վերոնշյալ հարցը կարող է լուծվել ընդդիմության լայն կոնսոլիդացիայով։ «Եթե ընդդիմությունը հասնի նրան, որ հասարակական ուժեղ ճնշում լինի, իշխանությունը չի կարող դիմակայել։ Բայց տեսնում ենք՝ աննախադեպ վճիռներ են կայացվում․․․ Իշխանությունն ամեն ինչ պետք է անի վերարտադրվելու համար, իսկ ընդդիմությունն ի՞նչ է անում, ոչինչ՝ բացի հայտարարություններից, բայց աննախադեպ բան է տեղի ունեցել․ քաղաքական այլակարծությունը պաշտոնապես համարվել է քրեական հանցագործություն․․․ Իշխանության հարցում ամեն ինչ պարզ է, ենթադրենք՝ «քաղաքական բոսյակների» հավաքածու է․․․, իսկ ի՞նչ է անում ընդդիմությունը․․․»,- նշեց Սուրենյանցը՝ ընդգծելով՝ կա՛մ կենսունակ ընդդիմություն կձևավորվի, կա՛մ Նիկոլ Փաշինյանը կվերարտադրվի։